«Ұлы даланың жеті қыры – ұлт мәдениетінің өзегі» атты дөңгелек үстел
2019 жылдың 24-қаңтарында Мультимедиялық дәстүрлі музыка орталығында Алатау аудандық білім бөлімімен бірлесіп ұйымдастырылуымен «Ұлы даланың жеті қыры – ұлт мәдениетінің өзегі» атты дөңгелек үстел өтті. Дөңгелек үстелде Елбасымыз Н.Ә. Назарбаевтың 2018 жылдың 21 қарашасында жарияланған «Ұлы даланың жеті қыры» атты бағдарламалық мақаласының маңызы талқыланып, «Алматы Өлкетану» оқулығының авторларының бірі Г.С. Асанбекова және Қ.А. Ясауи атындағы №123 мектеп-гимназияның тарих пәнінің мұғалімі Қ.О. Жанықұлов бағдарламалық мақала аясында баяндамалар жасады. Сондай-ақ, Елбасының мақаласында көтерілген мәселелердің бірі мектептер мен барлық өңірлердегі өлкетану музейлерінің жанынан тарихи-археологиялық қозғалыстар құру талқыланды. Нәтижесінде Мультимедиялық дәстүрлі музыка орталығында «Атамекен» тарихи өлкетану үйірмесін» құру жөнінде шешім қабылданып, үйірменің ұйымдастырылу мақсаты, жұмыс бағыты, жоспарлары таныстырылды. Дөңгелек үстелге Бостандық ауданына қарасты М.Мақатаев атындағы №140 гимназияның және Алатау ауданына қарасты мектептердің тарих пәні мұғалімдері мен оқушылары қатысты.
24.01.2019
Алматы қаласы музейлер бірлестігі
Д.А.Қонаев музей-үйі
Алматы музейі
Н.Тілендиевтің мемориалды музейі
Ықылас атындағы халық музыкалық аспаптар музейі
С.Мұқанов пен Ғ.Мүсіреповтің әдеби-мемориалдық музей кешені
Д.А. Қонаев музейі
АҚПАРАТТЫҚ РЕСУРСТАР
